لمن يتسائل عن كيفية فتح حساب ببنك مصر شرح بالتفصيل كيف تبدأ

 لمن يتسائل عن كيفية فتح حساب ببنك مصر شرح بالتفصيل كيف تبدأ 

موضوعي اليوم عن ازاي تفتح حساب في بنك مصر..

اولا : اول ما تدخل البنك هتروح لموظف الاستقبال تقوله عايز افتح حساب ايديلك رقم وهيقولك علي الشباك الي تروحة هتاخد الرقم وتقعدوتنتظر لحد ما ينادوا رقمك من اللوحة أو الميكرفون وتدخل للموظف

اولا لازم تصور بطاقتك نسخيتين

انواع الحسابات في بنك مصر :

اولا حساب جاري وده بيبدأ من الف جنية وبتدفع 45 جنية فتح حساب ..النظام ده بياخد منك 25جنية كشف حساب كل 3 شهور ده اسمه (ربع سنوي) و15 جنية عشان الفيزا يعني في السنه 115جنيه من رصيدك وتقدر تسحب او تودع ويوصلك حوالات عليه والنظام ده بيكون بفيزا او دفتر شيكات .

ثانيا : حساب توفير (وده نوعين) هتكلم عن النوع الاول … حساب توفير بيديك فايده تقريبا 6% وممكن برضه تسحب منه او تودع فيه وبتخصم منك كشف حساب 25جنية علي كل مرة و15 جنية فيزا وميزة النوع ده انه بيديك فيزا

النوع الثاني من حساب التوفير } حساب توفير بدون فوائد نفس نظام النوع الاول بس الفرق انه مش بيدي فوايد وكمان من غير فيزا يعني تعاملك بدفتر توفير زي بتاع البريد ونفس خصومات كشف الحساب

كشف الحساب اللي اتكلمت عنه من شوية ده بيبقي فيه تكة استغلال كده وهي ..ان البنك مقسم كشف الحساب( ربع سنوي..نصف سنوي…سنوي) .

بصوا بقي كل كشف من ده 25جنية يعني حضرتك لو طلبت كشف حساب ربع سنوي هتدفع 100جنيه في السنه

واصلا هما مش ييخيروك عشان تبقي عارف بس لو وقعت في ايد موظف محترم هيكرمك ويعملهولك نصف سنوي او سنوي واسأل علي النقطه دي وانت بتملي الطلب من الموظف .. للتوضيح كشاف الحساب ده بيجيلك فيه عمليات السحب والايداع والفايده خلال الفترة اللي حددتها

واخيرا بقي الفيزا بتطلع بعد اسبوع وهما بيتصلو بيك لما تجهز .

ويارب اكون منشوري بفائدة ليكم