مهم لمن تاخر ابنه فى النطق او نطقه غير طبيعى تعرف على الاسباب
هو ايه بالضبط
ده سؤال بيساله اي أب أو أم لما ابنهم أو بنتهم تتاخر في النطق او تنطق بطريقة غير طبيعيه.
الإجابة إيه يعني لان كلنا ممكن نتحط في الموقف ده ؟
شوف يا سيدي:عملية النطق عملية تشترك فيها أكثر من عضو فأي خلل في اي عضو معناه خلل في عملية النطق كلها .مش فاهم حاجه من الكلام ده ،طيب نبسط شويه النطق يعني صوت والصوت يعني هواء زفير خارج من الرئتين ويمر بعد كده علي الحنجرة اللي فيها الأحبال الصوتية فتشكل من الهواء نغمات وذبذبات وبعدين يخرج الهواء لتجويف الفم اه اللي فيه الأسنان ده،ماشي وبعدين يتحرك اللسان ليشكل طبيعة النغمة والحروف عشان تخرج بالطريقة الصحيحة اللي هي المنتج النهائي (الصوت)
كده كويس طيب نكمل ايه علاقة ده بتاخر النطق او الكلام اللي الولد بينطقه ومش بنفهمه ،أي خلل في المراحل دي يؤدئ الي هذا الخلل
والحل ايه ؟
اول شئ تطمئن فسيولوجيا علي الولد يعني ايه لوجيا دي؟
يعني تروح بيه لطبيب أنف وإذن لتطمئن علي أعضاء الكلام
يا عم روحت قالي سليم طيب قوله هو اللسان حر الحركة ولا ملتصق باسفل الفم ،لا حر الحركه تمام
السمع اخباره ايه ؟يا عم ايه دخل السمع بالكلام يا عم افهم اللغة اكتساب مش وراثة مش فاهم يعني لو فيه مشكلة في السمع هيعرف الحروف والكلمات إزاي؟
تصدق كانت غائبة عن بالي دي،بص يا سيدي علمونا في الدراسات العليا (كل أصم ابكم وليس بالضرورة كل ابكم أصم)يعني اللي مايسمعش ما يتكلمش بس مش كل اللي ما يتكلمش يبقي ما بيسمعش
كله تمام بس لسه المشكلة موجودة ،تبقي دي عندك انت يا حاج ،إزاي الولد ما دام سليم عضويا يبقي عنده فقر لغوي يعني البيئة المحيطه بيه مافيهاش حد بيكلمه،تصدق صح انا ومامته موظفين وسايبينه مع أخوه في البيت وأخوه طول النهار راشق عالنت او البلاي ستيشن.
طيب اعمل ايه انا بقي ،بص يا عم ادمجه مع أطفال من سنه او اكبر منه واديه حرية اللعب والحركة وهو هيكتسب اللغة منهم
بعد كده وديه لشيخ يحفظة القرآن الكريم لان ده افضل علاج ،هو فيه أفصح من كلام ربنا.
وديت الولد وسط العيال يلعب ويطنط والشيخ حفظة شوية من القرآن وبقي مالي البيت كلام ،شوفت بقي زي ما قلت لك (اللغة اكتساب مش وراثة) ادعي لي بقي .أخوك
م محمود السايس
