صورة فاروق جعفر التى استفزت رواد مواقع التواصل | صورة اعتبرها البعض إهانة لنادى الزمالك
علي الرغم اني مبحبش اكتب حاجة عن الانتماءات الكروية وان كل حد فينا يشجع فريقه براحته ويفرح لفوز فريقه طبعا بمراعاة مشاعر أصحابه ومعارفه من مختلفي الانتماءات الكروية
وبما إن الواحد أهلاوي حتي النخاع(مش متعصب اهو
وبعد فوز الزمالك بالبطولة الوحيدة الدوري السنة دي من كل البطولات اللي شارك فيها
هي نفسها البطولة الوحيدة اللي الاهلي خسره من كل البطولات اللي الاهلي شارك فيها
اخواتنا الزملكاوية فرحانين ليهم حق يفرحوا بناديهم بس وانت بتفرح تبقي عارف اقصي طموحك في الفرح او بمعني اصح سقفك فين في الفرح
انت طبعا سقفك السما لانك بتنافس الاهلي لان فيه فرق سنين ضوئية بين الاهلي والزمالك في كل حاجة بداية من البطولات لحد سور النادي نفسه
وعلشان كده حبيت أوثق البوست ده بصور للتاريخ من حدثين الامس واليوم
الصورة الاولي: مؤتمر للزمالك ليعلن عن صفقة من العيار الثقيل هتغير موازين الكرة المصرية ودي صورة الاعلان والتنظيم
الصورة التانية: برده مؤتمر للزمالك بس المره دي بقي الطموح شطح منهم وقرروا انهما هيقتحموا البيزنس من اوسع ابوابه وبيعملوا شراكة مع بعض الاندية في الامارات وتبعا حدث زي ده لازم يكون التنسيق والاحتفال علي قدر الحدث هنلاقي كابتن فاروق جعفر واقف علي حجرين انترلوك علشان يتكلم عن الانجازات وعن اعظم نادي في المجرة
تيجي بقي الصورة الثالثة والرابعة لنادي فعلا الفارق بينه وبين باقي الاندية سنين ضوئية انه الاهلي يا ســــادة عمل الاحتفال والتنظيم المبهج ده وبيحضر وزير الرياضة علشان حدث في الغالب اصلا مش بيتعاملوا مراسم احتفال وتنظيم لكنه الاهلي
بعض التعليقات الساخرة
بالنسبة للصورة الاخيرة انه الاسطـــــــــــورة Bibo ... محمود الخطيب
فاروق جعفر : الزمالك النادي رقم 1 في مصر والعالم العربي و سنتعاقد مع لاعب سيساعدنا على الفوز ببطولة الدوري ل 5 مواسم متتالية .
طب أنزل من على الطوبه
