مجموعة صور من اعماق البحر لبقايا من سفينة غارقة كانت تحمل مصريين عائدين من الخليج عام ١٩٩٨
الصور دي متصورة من جوا عبارة السلام ٩٨ .
لفيت في الصور لقيت عجلة لطفل صغير ،
وشريط كاسيت كان مصبر البعيد عن أهله وبيته .. وغسالة كان جايبها حد لمراته .. وعربية كانت تمن سنين كتير غربة .. وكتير من الصور اللي كانت شايلة أمنيات وحياة كانوا بيتمنوا يكملوها مع اللي بيحبوهم ، لكن متبقاش منها غير حبة حاجات غرقانين في البحر ، وحبة صور بنتكلم عليها وبقت من الذكريات المؤلمة ..
كل واحد متغرب سأل نفسه السؤال ده .. هو أنا ليه بعيد ؟ .. وعشان إيه ؟ .. .. ييجي الرد المقنع للعقل لكنه أبدا مش مقنع للقلب .
" أنا بعيد عشان ضروريات الحياة وعشان مستقبل عيالي " .. طب شبعت منهم وشبعوا منك ؟ ..
طب تأجيل اللقا طول الوقت ده مش خايف من لحظة تيجي تهد كل حاجة ومتلحقش حتى تودعهم بنظرة العين ؟
كان الله في عون كل #مغترب ويرجعهم سالمين غانمين في حضن اهلهم وبلدهم 👌
اهل المحلة
