كتب دكتور قاسم محمود | مش كل انيميا يبقى لازم ياخد حديد
خلي بالك مش كل انيميا يبقى لازم ياخد حديد .
في حالات الصراحه كتير شوفتها اطفال وكبار عندهم انيميا بقالهم سنين ويتم كتابه ليهم حديد.
ويقولك انا باخد حديد او الدكتور كتب لي حديد ونسبه الانيميا زي ماهي او بترفع حاجه بسيطه بس .
اكتر حاجه شوفتها موجوده هنا نوع من الانيميا يسمى الثلاسيميا وبتتقسم الي انواع .
ثلاسيميا بسيطه صغرى .
ثلاسيميا كبرى .
الصغرى مش محتاجه حاجه في الغالب .
الكبرى بتحتاج نقل دم بإستمرار مع اخذ علاج يساعد على التخلص من كميه الحديد الموجوده في الدم لان الحديد بيكون مرتفع في الدم وبيؤدي الي مشاكل في الكبد والقلب وغيره.
دي حاله طفل شخصته ثلاسيميا صغرى كان كل اما بيكشف يتكتب ليه على حديد دون تحسن على اساس انه انيميا نقص الحديد بالاضافه الي بعض الحالات الاخرى لناس كبار نفس الشيء.
ملحوظه مهمه جداااااا.
الناس اللي عندها ثلاسيميا صغر ممنوع تتجوز من شخص عنده نفس النوع لان في الغالب الاطفال هيكون عندهم ثلاسيميا كبرى ووقتها الطفل بيحتاج نقل دم بشكل منتظم .
