ازمة عمرو اديب مع تريكة ورد لازع من الاعلامية مروة العاصى

الازمة الاخيرة والتى سببها الاعلامى عمرو اديب وتعليقه على تهنئة النادى الاهلى للاعب الخلوق محمد ابو تريكه وكيف هب كل عشاق ومشجعى اللاعب ضد الاعلامى عمرو اديب 

وبدأت تتكلم على اللاعب وتصف اخلاقه 

إرهابي القلوب "محمد أبو تريكة" خرج من مصر سنة ٢٠١٤، و فضل سنة كاملة قاعد في مصر بعد سقوط نظام الإخوان، و محدش وجه له تهمة، ولا قبض عليه، وبعدها خد شنطته وراح على مطار القاهرة ووقف في الجوازات وفيه ظابط ختم له جوازه، وقاله توصل بالسلامة من غير بردو ما حد يقوله رايح فين أو يقبض عليه.

أبو تريكة حتى الآن لم يصدر ضده حكم إدانة واحد في قضية محددة بتقول ان الراجل ده إرهابي أو شارك في اعمال العنف، هو فقط موجود على قوائم الإرهاب اللي هي في حد ذاتها إجراء احترازي، يعني مش دليل إدانة، بدليل إن فيه مئات على القوائم دي وقاعدين في بيوتهم في مصر عادي، وعايشين حياتهم بشكل طبيعي، كل الموضوع بس إنهم بيبقوا ممنوعين من السفر، وفيه قيود على التصرف في أموالهم، وفي مباشرة حقوقهم السياسية لأن فيه شبهات ما حولهم أو تحقيقات ما بشأنهم.

بالتالي بالورقة والقلم، والقانون والقضاء، وكل حاجة، المواطن محمد أبو تريكة مواطن مصري عادي، لا شارك في قتل جنودنا في سينا، ولا اتورط في دم وعنف زي ما الأستاذ عمرو بيه باشا أديب بيدعي، وزعلان اوي إن الأهلي بس نشر له تهنئة بعيد ميلاده، ولو عمرو عنده اي معلومة مش عندنا او يعرف أبو تريكة مدان في أي قضية او بقتل مين، ولا بحرق إيه ياااااريت يقولنا.

و تااااااااني

خليك ف حالك يا عمرو

#مروة_العاصي