كلمة من أحد أهالى قرية إبشواى الملق عن الجريمة التى حدثت فى القرية
#حادثة_قتل_ابشواي
#ابشواي_ضد_المخدرات
مع احترامي لكل شخص في هذه البلد لكن... كل يومين تلاته نسمع عن اللي مات علشان واخد جرعه زياده من المخدرات .. ابشواي الملق اصبحت مشهورة علي مستوي مركز قطور الغربيه و علي مستوي طنطا كمان أشهر قرية يوجد فيها البلطجية والبدرجيه والمخدرات وموت شباب العشرينات من المخدرات بأنواعها .. اين نحن من هذا !!؟؟؟؟؟
وفوق كل ده القتل .. انتو نسيتوا ربنا قال ايه في القرآن الكريم "أم أنتم هجرتم القرآن" قال الله تعالي بسم الله الرحمن الرحيم: «ومن يقتل مؤمناً متعمداً فجزاؤه جهنم خالداً فيها وغضب الله عليه ولعنه وأعد له عذاباً عظيماً»
فالروح البشرية لها عند خالقها مكانة عالية، ولا يجوز الاعتداء عليها بأي حال من الأحوال؛ ولذلك تشدد القرآن الكريم في مواجهة جريمة القتل
ويضيف: القرآن الكريم الذي سجلت آياته أول جريمة قتل وهي قتل «قابيل» لأخيه «هابيل»، بدافع الحسد والغيرة، «... فطوعت له نفسه قتل أخيه فقتله فأصبح من الخاسرين»، أعقب الحديث عن جريمة قابيل ضد أخيه هابيل بقوله عز وجل: «من أجل ذلك كتبنا على بني إسرائيل أنه من قتل نفساً بغير نفس أو فساد في الأرض فكأنما قتل الناس جميعاً، ومن أحياها فكأنما أحيا الناس جميعاً».. فقتل نفس واحدة ظلماً وعدواناً في نظر الخالق «قتل للناس جميعاً» صدق الله العظيم
شوية شباب 17 و 18 سنه يقتلو واحد أكبر منهم ب10 سنين .. 29 سنه
اخدو اخوه وضربوه وقلعوه وصوروه ومع ذلك هو راحلهم لحد بيتهم وصالحهم علي بعض وبعدها بيوم دبحوه وضربوه 7 طعنات ف جسمه .. لييه يعني لييه الغل ده وييتم اطفال لسه مكملوش 10 سنين وكمان بعد ما مات حدفوه بالطوب ف دماغه جاله نزيف داخلي وهو كان مريض سكر ميستحملش اي خبطه خلاص بقا القتل سهل نسيتو ربنا ونسيتو كتابه .. شفتو حرقة قلب مراته او امه .. لازم كلنا نقف بجانبهم والعدل يتحقق واللي عمل كدا ياخد جزائه ويكون عبره لغيره من الشباب دول...
حقيقي احنا بقينا نعيش وسط مستنقع من الجرائم والعادات السلبيه حسبي الله ونعم الوكيل .. حسبي الله ونعم الوكيل .. ياريت تشيرو البوست ده وتدعو للمرحوم أحمد رسلان بالرحمة والمغفره
#حق_احمد_لازم_يرجع
#حادثة_قتل_ابشواي
#ابشواي_ضد_المخدرات
