فوز مهم لكل من لا يعرف يعني ايه عقدة المغرب وهدف مصطفى حجي في منتخبنا في ٩٨
فوز غالي اوي غالي اوي لكل واحد عارف يعني ايه عقدة المغرب ويعني ايه هدف مصطفى حجي في منتخبنا في ٩٨ واللي مبيروحش من خيالي. فوز غالي للي عارف اننا فضلنا ٣١ سنة مش قادرين نكسب المغرب من ٨٦ لحد ما كسبنا في ٢٠١٧ . فوز غالي اوي بيرجع جواك مشاعر محستهاش من ١٢ سنة يوم فوز مصر على الجزائر برباعية في بطولة ٢٠١٠ . منتخبنا من مباراة كوت ديفوار وهو بشخصية المنتخبات الكبيرة روح واصرار اجيالنا الذهبية اللي جمعتنا حولين المنتخب وخلتنا نبكي من الفرحة واحنا بنكتب تاريخنا. روح يا سلام يا حازم يا سلام يا حسام في ٩٨ . روح فرحتنا لحظة جول عمرو زكي في السنغال بعد خناقة ميدو او فرحتنا لحظة تسجيل تريكة لاخر ضربة جزاء قدام كوت ديفوار ٢٠٠٦ . روح فرحتنا واحنا مش راحمين الكاميرون وكوت ديفوار برباعيات في ٢٠٠٨ . روح اصرار زيدان قدام سونج وروح المستحيل وهو بيتكتب وبنحقق تالت بطولة على التوالي في ٢٠١٠ لاول مرة في تاريخ اي منتخب افريقي. هاتوا الثامنة للتاريخ يا رجالة للتاريخ
حقيقي الصورة دي عجباني اوي ومش عارف منزلهاش بوست لوحدها ، ياريت نتعلم من اللقطة دي حاجات كتير اوي في حياتنا ممكن نتنافس ن-تق-اتل ع النجاح ، فيه فايز وفيه متوفقش لكن في النهاية ، مبنخسرش بعض ، كتفنا في كتف بعض ، اخلاقنا تحكم قبل مشاعرنا ، صورة بتعبر عن كتير في حياتنا مش منافسة كورة بس لأ كل شئ ❤️
هاردلك للمغرب البطل و بنكمل مسيرتكم وبإذن الله الكأس مصرية 🇪🇬❤️
