جولة فى الريف المصرى الجميل ومقاطع فيديو وصور من الحقول
الريف المصرى الجميل مازال به بعض رونقه القديم لم يتغير الكثير من جماله مع أن الناس قد تغير من طباعهم الكثير وللاسف تغيرت عادات كثيرة ومهمة واصيلة جدا كأداب وأخلاق وعادات جميلة تزيد من جمال الناس والطبيعة الجميلة للريف
أيام زمان الجميلة.. !!
العواف .. الله يعافيك .. اتفضل .. يزيد فضلك .. !!
الشاي .. من ايد مانعدمهاش ..ازيك .. انشالله تسلم .. !!
اتفضل عيش سخن .. تسلم ايدك ..
تؤمرني بحاجة .. مانتحرمش !!
الناس لسانهم كان بينقط عسل ..
الله يرحم الناس الجميلة !!❤️🌹❤️
ياريتها كانت دامت
وعشناها طول حياتنا
كانت أجمل أيام
عشناها فى زمنا
راحت الأيام الحلوة
وخدت معاها حبايبنا
كانت أيام الأصول
اللى إتعلمناها من كبارنا
كانت القلوب صافية
وروح السماحة فى نفوسنا
والمحبة مالية القلوب
والأحزان والأفراح تجمعنا
ماكنش فيه الكبر بينا
والبساطة كانت طباعنا
العيشة البسيطة تكفينا
والرضا بالقليل يشبعنا
ياريتها كانت دامت
ودامت راحة بالنا
ولا عمرنا حملنا الهم
ولا خوفنا على مستقبل أولادنا
العيشة كانت سهلة
مفيهاش مشاكل ترهقنا
لا أخ يعادى أخوه
ولا صاحب يوم خانا
والحق يرجع بكلمة
لصاحبه يقولها كبيرنا
ماكنش فيه ظلم ولا غدر
كان الأمان مالى ديارنا
كانت أحلا أيام
كانوا موجودين أبائنا وأمهاتنا
كانت الطبلية تجمعنا
والكلمة الحلوة تفرحنا
ياريتها كانت دامت
