طالبٌ مصري كان يسافر كل يوم جمعة لمسافة ١٢٠ كيلو متر حتى يصل لأقرب مسجد يصلي فيه الجمعة
في زيارةٍ لليابان حكى لي طالبٌ مصري أنه كان يسافر كل يوم جمعة لمسافة ١٢٠ كيلو متر حتى يصل لأقرب مسجد يصلي فيه الجمعة …
هنا في ألمانيا (وفي أوروبا عموما) كثير من المسلمين لما بييجوا يعملوا عقد عمل بيتفقوا من البداية مع صاحب العمل إنه يخفف لهم شغل يوم الجمعة ويخصمه من مرتبهم عشان يعرفوا يصلوا، أو بيتفقوا معاه إنهم يستأذنوا ساعة للصلاة وهيعوضوا شغل الساعة دي في يوم تاني (لأن هنا الجمعة يوم شغل) …
أحكي هذا الكلام لما بلغني أن بعض الشباب في بلادنا اللي هي أصلًا الجمعة إجازة والمساجد في كل مكان، ومع ذلك بيستخفوا بالجمعة ومش بيصلوها وبيقولوا هنصليها ظهر في البيت …
مفيش حاجة اسمها راجل يصلي الجمعة ظهر في البيت، الجمعة تصلى ظهرًا في البيت للمرأة وليس للرجل؛ لأن المرأة أصلًا لا تجب عليها صلاة الجمعة.
أما الرجال فلا عذر لهم في عدم حضور الجمعة إلا المرض أو السفر، وهناك حديث صحيح واضح وشديد المعنى؛ يقول فيه النبي صلى الله عليه وسلم: ( مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ ) … نعوذ بالله من ذلك.
#الجمعة
#إسماعيليات
