كما تدين تدان! بخت إحدى الأفاعي (الزوجات)سمها فاشتعل البيت نارا وحقدا فتفرق الجمع بقلم الاستاذ محمود السايس

 كما تدين تدان!

**********

في بيت من بيوت القرية العتيقة يسكن الجميع في ما يسميه الناس (بيت العائلة)

الأب والام والابناء وزوجاتهم وأبناء الأبناء 

الجد قضى جل عمره غريبا في بلاد الله يعمل تارة في ليبيا وأخرى بالعراق وتارات في بلاد الخليج.

بنى البيت وعلم الأبناء ووسع عليهم ضيق الحياة فاشترى الأراضي الزراعية وقطع المباني علي الشوارع العمومية

 وساعد أبناءه في تكاليف الحياة الزوجية وما بعد الزوجية أنجب الأبناء أبناء فسر الجد والجدة وصار الاحفاد زهرة حياتهم وعوض سنين شقائهم ؛لكن وكالعادة بخت إحدى الأفاعي (الزوجات)سمها فاشتعل البيت نارا وحقدا فتفرق الجمع ورفعت الطبلية من علي الارض فما صارت اللمة

 فحاول الجد اصلاح ذات بينهم لكن هيهات هيهات فسم الأفاعي لا مفر منه إلا الممات 

نادى الرجل ياعثمان: انت الكبير اعقل 

هتهد كل اللي بناناه 

قال: لا علي وعلي اعدائي

قال: يا ابني مين اعدائك ؟!!

اخواتك ولا ولادهم اللي هما ولادك ؟!!

وأشد الخلاف والشيطان ماكر لئيم شاطر

ولا حد سامع ولا حد فاهم 

يلم الراجل عياله مش عارف 

يبكي لمراته وكأن الدنيا ضاقت 

العيال هيموتوا بعض يا سعدية

قالت :اهدي علي شوية 

لا هيموتوا بعض ولا حاجة اعزلهم وارتاح يا نور عنيه

قال كده يا وليه ؟!!!

وعيالي تتفرق من حواليه ؟!!

انا اللي لفيت الكرة الأرضية معقولة تيجي علي اللحظة ديه؟!!

مفيهاش حاجة يا ابو عثمان :عيزاك تريح النسوان

قال لها النسوان ؟!!

صح اللي قال: كل الف رجل ياكلوا في طبق واحد بس لو دخلت بينهم حرمة تنقلب المعالق سكاكين .

وادي انا عايش وشفت بنن العين

ربنا ياخدهم كلهم عشان مش عاقلين

وهبا راح يعتب علي عثمان 

يا عثمان يابني: لم اخواتك حوليك مضيعهمش من ايديك 

قال: لا والف لا يا انا ياهما

قال أبوه: انت ظالم 

رد عثمان والشر في عينه باين :ظالم؟!!!!!!

وطول أيده علي وجه أبوه قلمين

وقع الراجل وبكي قال: بس بس!!!!

ده دين !! 

وكان لازم ينسد زمان سمعت كلام امك وعزلت من خواتي الاتنين 

واترجاني ابويا وقال :بلاش يا محمدين 

وقفت زيك وضربته علي وجهه قلم واحد مش قلمين !!

ياولد: الدين بيخلص وانت عايش متحاولش وخصوصا إن كان للوالدين.

في رعاية الله وحفظه.

محمود السايس

***********

٦-٩-٢٠٢٣