رحلة الى دولة عربية جعلتنى احس بجمال واصالة بلادى مصر العزيزة ام الدنيا
جنة الله في الأرض
مش هتعرف معني الكلمة دي إلا لما تتغرب بعيد عن بلدك مصر وتشوف شعوب وبلاد تانيه ساعتها هتعرف قد إيه بلدك اللي انت مش عارف قيمتها دي لها قيمة كبيرة جدا وفيها نعم لا تعد ولا تحصى وعلي سبيل المثال:،،،
سافرت الي الإمارات العربية يعني دبي وما أدراك ما دبي ،،،،،شئ اي انسان يتمني يزورها لكن مش كل حاجة حلوه فيها مثلا لا يمكن أن تعيش خمسة دقائق بدون تكييف ،،،،،الجو فيه كمية رطوبة رهيبة لدرجة إنك ساعات تحس ان مفيش أكسجين تتنفسه .
الرطوبة دي بتموت،، ساعات ناس بيجلها هبوط وتقع .
ولازم تشرب لبن أب (لبن بملح وكمون)
مفيش حاجة طبيعية كله صناعي .
قولت ما احلاكي يا بلادي ساعة العصرية وانا باتمشي بين الحقول واشم ريحة الزراعة مع ريحة مية الترعة وظل شجرة التوت والعصافير فرحانة تشقشق وتزقزق.
وروحت زيارة لأحد الاصدقاء في احدي مناطق الشارقة وكان مهندسا زراعيا مسؤل عن مزرعة مساحتها 20فدان فيها أشجار وطيور وقصر كبير وحمام سباحة ،،،، وبعض الحيوانات الجميلة مثل اللامي (جمل صغير بصنمين)
شد انتباهي شجرة ليمون وأخري برتقال ،،،،قولت اجيب منهم اهي حاجة صابحة بدل المكيسات اللي بنشتريها،،،،لقيت اللمون مش لمون والبرتقال مش برتقال ،،،،،لقيت شئ أشبه بكرة الكموش اللي كنا بنلعب بيها واحنا صغيرين ،،،،،،،مفيهاش ميه نهائي عبارة عن شئ جاف بسبب الجو لان ده مش جوه،،،قولت سبحان الله ،،،،،وافتكرت لما كنت في أرض البستان بالبحيرة وسط آلاف الفدادين من البرتقال باشكاله وانواعه. ،،،،،،،،،،،،،،،،، وسألت الرجل اللي كنا عنده انتم زارعين برتقال يامه ليه ؟
قالي لو زرعنا سطح البيوت كمان مش هنكفي العالم !
قولت له ليه ؟
قال انه اول ما تسلم الارض دي ضمن مشروع الخريجين ،،،عملوا لهم دورات في جامعة الإسكندرية كان بيحاضرهم فيها علماء أجانب قالوا لهم بالنص
(أرض وجو مصر بالذات ،،،،برتقاله عناصره وفيتاميناته والاحماض اللي داخله لا يمكن أن يوجد مثله بالعالم كله ،وأنه لو زرع المصريون أراضيهم واسطح منازلهم ما سدوا الطلب عليه)
اليوم سعر شيكارة البصل المصري أغلى من برميل البترول ،،،،طيب ليه؟
ببساطة لانه ليس له مثيل في فوائده.
حتي القمح المصري نسبة الجلاتين فيه عالية جدا ،،،،،وكان يهرب الي سوريا ايام مبارك ليصنعوا منه افخم الحلويات الشرقية.
اللي اتغرب يعرف طعم اللحمة ،،،،،،ولا يوجد لحمة مثل اللحمة المصرية في طعمها ،كيلو اللحمة المصري كان الأغلى في الإمارات مقارنة بباقي اللحوم
بص علي الجناين علي المزارع يا ما تلف يا ما تشوف ،جبتها من مطروح للفيوم قولت سبحان الله !
جنة الله في الأرض (مصر)
شعب ،،تربة ،،،ميه،،،،هواء،،،،زرع ،،،،فاكهة،،،خضر،،،،،لحوم ،،،،،،،،اسماك ،،، ، ،،،،،،،،، بس ابعدوا عننا تجار الموت (المبيدات المسرطنة)
فاللهم أجعل هذا البلد أمنا مطمئنا وسائر بلاد المسلمين.
دمتم في رعاية الله وحفظه
محمود السايس
