قصة واقعية تنتهى بخسارة الجميع
كلمتين وبس.
من كام يوم كده حضرت مشكلة في قرية جنبنا وبصراحة نفس المشكلة متكررة في كل بلادنا قري ومدن ،زوجة حديثة العهد بالزواج بس مش صغيرة سنا دي مخلصة جامعة المهم من يوم ما تزوجت والمشاكل مبتخلصش مع زوجها ،طيب إيه يا بني المشكلةقال :-اسمع يا سيدي منك له (لا طبيخ بتعرف لا غسيل بتغسل لا تنظيف بتنظف حتي الدولاب يا رجالة اشبه ببياتة الفراخ وكل كبيرة وصغيرة الووو يا ماما،أديها مصروف البيت الاقيه بح خلاص ركبه عفريت وطار ،يعني باختصار ست بيت فاشلة .
-هي المدام بتشتغل يا بني ؟!
قال.-اه
طيب بتشتغل إيه ؟
قال.-بتشتغل ليل نهار عالنت تكلم دي تكتب لدي تلعب بابجي،،،،،،،،،،،،،،
يبقي الدور علي الأم اللي ربت والمفروض تعلم، هي الأم مش مدرسة برضو ولا ايه ؟
معلمتيش بنتك ليه يا ام حسين ؟
-أصل كانت بتذاكر ياخويا وكل وقتها في المذاكرة
-طيب دا كلام يا حاجة هو انت مش عارفة إن بنتك مسيرها تتجوز وتبقى مسؤولة عن بيت وأسرة ؟
-خفت لياثر عليها في التعليم يا أستاذ.
-يأثر إيه بس يا حاجة يعني كان عندها وقت تتلقح عالمخروب النت ومعندهاش وقت تقف معاكي شوية في المطبخ ولا شوية عالغسالة؟!
-دمي انحرق يا جدع من الرد ،يعني إيه بتذاكر هو انتم يا سيادنا مش عارفين ان البنت مهما وصلت في التعليم يبقى بيتها وزوجها وأولادها هم مملكتها.
-كفاكم هبل وقلة عقل بنتك تعلميها في بيتك بيوت الناس مسؤولية وأمانة.
-زي هي ما مسؤولة من زوجها هوكمان مسؤول منها .
-يا حاجة أنا أمي كانت بتقعد أختي قدام الفرن الطينة من وهي عندها ست سنين.
-تعليم إيه وبتاع إيه وهيفيد بايه لو هي فاشلة في حياتها.
-ألاقي اللي الكلام مش علي هواهم(خالتها)، تقولك هو كل هم الرجالة الطبيخ والكنس و،، ،،،،
-ده الفشل بعينه يا ست هانم منك ليها نجاح المرأة يبدأ من بيتها ،البنت خلقت لتكون زوجة وأم وست بيت ومربية والباقي كماليات يمكن الاستغناء عنه.
-وعليه تم الحكم علي الأم بتعليم بنتها وعلي نفقتها وان يفصل النت نهائيا من البيت ودا كله بعد استرضاء الزوج وتهداته وإن عليه الصبر .
طيب الراجل ده كان محترم غيره مش هيصبر وهتخرب البيوت بالطلاق ولو فيه أطفال هيكون مصيرهم الضياع .
للأمهات خاصة و الآباء عامة
- علموا بناتكم فنون البيت ،،،،
-علموهم إن البيوت أسرار
-علموهم إن الإنفاق باعتدال أفصل من الإسراف في التفاهات.
-خدي بنتك معاكي السوق وعرفيها تشتري إزاي وتنقي وتفاصل مش تسيبوهم عمي والاسم جوزنا.
-مرمطي بنتك وادعكيها في بيتك أحسن ما تمرمطك انت وأبوها بيوت الناس مش لعبة .
-تربية البنات مش سهلة ،الجواز بيكلف واللي بعد الزمر طيط
يعني يا تثبت وجودها يا هتبقى فرجة والكل يضحك عليها وخراب لقدر الله لو طلقت هتجوزت كسر وعلي رائ مبروك عطية (السوق كله كده يا زينبووووووو).
دمتم في رعاية الله
محمود السايس
عشان معرفتشى يعنى اى تربيه
https://toolsqu.com/?s=%D8%AA%D8%B1%D8%A8%D9%8A%D8%A9+%D8%A7%D9%84%D8%B7%D9%81%D9%84