نقلا عن احد الاطباء لعب الاطفال فى التراب والطين يقوى مناعة الطفل
فوائد لعب العيال ف التراب !!
معقوله يادكتور ايه اللى انت بتقوله ده !!
طب تصدقوا !! هتصدقوا ان شاء الله ...
سيبوا العيال تلعب ف الاماكن المفتوحه و يرجعوا هدومهم ووشهم متغطى بالتراب والطين ،
ومتزعلوش ومتخافوش بالعكس دا لمصلحتهم ومصلحتكم والله ...
اللعب بالطريقه دى ف العمر ده بيقوى جهاز المناعه ، ويخلليه يتعرف ع الجراثيم الموجوده ف البيئه اللى حواليه بدرى بدرى ، وبالتالى بيتطور ويكون اكتر كفاءه فى مواجهة الامراض .
كمان اللعب بالشكل دا بيخللى الطفل يبذل مجهود وطاقه اكبر وبالتالى يكون اقل عرضه للامراض النفسيه والسمنه .... ( انا عارف انكم بتحبوا العيال المقلبظين ) .
الحاجه الحلوة كمان ان الجرى وبذل المجهود بيخللى العيال تجوع والشهيه تتحسن والعيال بتكون سعيده وفرحانه واجتماعيين اكتر .
على المدى الطويل اللعب ف التراب ف الطفوله بيقلل اصابة الطفل ف المستقبل بحساسية الجلد والربو وامراض كتير .
طبعا مننساش اساسيات النضافه زى غسل الايدين والخضار والفاكهه .... الخ ،
لكن برضه بلاش المبالغه ف النضافه باستخدام الديتول والفينيك ،
لان المواد دى بتنضف البيئه المحيطه بالطفل من كل الميكروبات ،
وبالتالى جهاز المناعه بيفضل خامل وضعيف وميقدرش يقاوم الامراض ...
بدل ماتضربوا العيال وتزعقولهم ، ادوهم جردل وجاروف وشجعوهم يتحركوا ويجروا ويلعبوا ويلموا احجار ويلعبوا بيها
كللنا زمان ياما لعبنا ف التراب والطين ، وبعدين الميكروبات اللى ف التراب مش خطيره متخافوش ...
د حسام سامى الحبشى
د. دكتوراه طب الاطفال
قطور ميدان الساعه
صرد بجوار مركز الشباب
01004785735
