بقلم مهندس احمد داود لماذا فقد التعليم في مصر فقد رونقه وهيبته

 التعليم في مصر فقد رونقه وهيبته من ساعة ما سبوبة التعليم الخاص تفحلت وانتشرت في البلد بلا حسيب ولا رقيب 

وأصبحت شهادة الطب أو الهندسه أو الصيدله تقدر بثمن قيراطين ارض للأسف بصرف النظر عن قدرات الطالب علي استيعاب المحتوى الدراسي اللي هيدرسه واللي هيشتغل بيه بعد كده 

وبالتالي بقي عندك في السوق أشباه أطباء ومهندسين وصيادله تعبث بأرواح الناس ومستقبل أبنائها الا طبعا من رحم ربي وده اللي خلى بعض الدول في الخليج مؤاخرا لا تعترف بكثير من الشهادات المصرية وكتير من الشركات والمؤسسات الطبيه والصناعية بقي بيشترط خاريجي الجامعات الحكوميه فقط وبالتالي زيادة في عدد البطاله عند الشباب من الحكومي والخاص 

لكن الأكيد في النهاية أن التعليم الخاص ما هو إلا سبوبه بهدف الربح وبيع الشهادات لا اكثر ولا اقل 

وانا هنا مش بلوم علي الطلبه والزملاء المحترمين بالعكس والله فيه منهم ناس كويسه جدا (لكن بنسبة قليلة في الحقيقة) لكن أنا بلوم علي اللي باع الوهم في قزايز للناس وللي سمح لهم بالعبث بأحلام الناس وأموالهم وطموحاتهم .... وشكراً 

مجرد رأي ...